Sportek Hub-ek, kirol industriarako berrikuntza eta teknologia Hub-ak, Gipuzkoako ikertzaileei eta ikerketa taldeei zuzendutako bigarren deialdia itxi berri du. Izena emateko prozesua urriaren 15etik azaroaren 15era arte egon zen zabalik, eta AA aplikatzen duten proiektuen eta prozesu eta material jasangarri berriak proposatzen dituzten hautagaitzak jaso ditu, kirolaren hainbat arlotan berrikuntzak egiteko helburuarekin.
Merkatuan duten bideragarritasuna ebaluatzeko jasotako proposamenen artean, Gipuzkoako zentro eta unibertsitate nagusietatik datozen hainbat proiektu daude, hala nola Deustuko Unibertsitateko Jarduera Fisikoaren eta Kirolaren Fakultatea, Mondragon Unibertsitatea eta Tknika, Euskadiko LHko Ikerketa Aplikatuko Zentroa.
Proiektu horietako batzuek AAren alde egiten dute, kirolarien errehabilitazio-prozesuetan hobekuntzak aplikatzeko, kirol-oinetako teknikoak berritzeko edo hainbat kirol-esparrutarako material jasangarri berriak sortzeko.
Behin hautagaitzak jasota, Sportek Hubek proiektuen ebaluaziorako lehen faseari ekingo dio orain, ikertzaileekin bilera pertsonalak eginez, aukeratutako proiektuak zeintzuk izango diren erabakitzeko. Behin aukeratuta, ikerketa-proposamen horiek 15.000 €-ko dirulaguntza ekonomikoa izango dute, garatzen ari diren teknologiek eskaintzen dituzten merkatu-aukerak aztertzeko eta aholkularitza espezializatua jasotzeko.
Sportek Hub ekimen publiko-pribatua da, Eusko Jaurlaritzak eta Gipuzkoako Foru Aldundiak (Kirola eta Ekonomia Sustapena/Ekintzailetza arloetatik), Eibarko Udalak, Donostiako Udalak, Real Sociedad Fundazioak eta Eibar Kirol Elkartea Fundazioak sustatua, BIC Gipuzkoa organo kudeatzaile duela, kirol industria haztea eta lehiakortasuna hobetzea helburu duena.
Ekosistemaren parte izatearen onurak
Hautaketa fase honen ondoren, Sportek Hub-ek ikerlariekin hasiko du proiektuaren konfigurazioa, eta behin garatuta, hautatuek aukera izango dute BIC Gipuzkoak kudeatutako ekintzailetza programei heltzeko (Prog. Barnetekin/Barnekintzaile – Prog. Ekintzaile/Txekintek), 60.000 eurorainoko finantzaketa-aukerarekin.
Gainera, hautatutako ikertzaileak Sportek Hub-eko ekosistemaren parte izango dira, eta, proiektuaren sustapena eta ikusgarritasuna, industriarekiko konexioa eta kirol-berrikuntzako eragileak ez ezik, honako onura hauek ere izango dituzte:
- Negozio-plan estrategikorako laguntza
- Lankidetza-aukerak, Venture Cliente proposamenaren arabera
- Baliozkotzeetarako eta MVP probetarako lab-ak
- Coworking-guneak eta inkubazio-gune espezializatuak
- Enpresa-kudeaketan prestakuntza espezializatua
- Lehen finantzaketa-errondetan aholkularitza ematea
